കണ്ണൂര്‍: തലശ്ശേരിയില്‍ സി.പി.എം പ്രവര്‍ത്തകനായ ഹരിദാസിന്റെ കൊലപാതകത്തില്‍ ഒരാള്‍ കൂടി പിടിയിലായി. പുന്നോല്‍ സ്വദേശി നിജില്‍ ദാസ് ആണ് പിടിയിലായത്.ഹരിദാസിനെ കൊലപ്പെടുത്താനായെത്തിയ സംഘത്തില്‍ പെട്ട ആളാണ് നിജിലെന്ന് പൊലിസ് വ്യക്തമാക്കി.

ഇന്നലെ രാത്രിയിലാണ് നിജില്‍ ദാസിനെ പിടികൂടിയത്. നിജിലിനെ പോലീസ് ചോദ്യം ചെയുന്നു. കേസില്‍ നേരത്തെ ബിജെപി മണ്ഡലം പ്രസഡന്റും തലശ്ശേരി നഗരസഭാംഗവുമായ ലിജേഷ് അടക്കം നാല് പേരെ ചൊവ്വാഴ്ച അറസ്റ്റ് ചെയ്തിരുന്നു. വിമിന്‍,അമല്‍,മനോഹരന്‍,സുമേഷ് എന്നിവരാണ് അറസ്റ്റിലായ മറ്റുള്ളവര്‍.