മലപ്പുറം: കൊടുവള്ളിയിലെ ഇടതുസ്വതന്ത്ര എം.എല്‍.എ കാരാട്ട് റസാഖുമായി മുസ്‌ലിം ലീഗ് നേതൃത്വം ചര്‍ച്ച നടത്തിയെന്ന വാര്‍ത്ത അടിസ്ഥാനരഹിതമാണെന്ന് സംസ്ഥാന ജനറല്‍ സെക്രട്ടറി കെ.പി.എ മജീദ്.

അദ്ദേഹവുമായി യാതൊരു ചര്‍ച്ചയും പി.കെ കുഞ്ഞാലിക്കുട്ടിയോ താനോ എവിടെവച്ചും നടത്തിയിട്ടില്ല. അങ്ങനെ ചര്‍ച്ച നടത്തേണ്ട സാഹചര്യമുണ്ടായിട്ടില്ല. ഇല്ലാത്ത കാര്യം വ്യാജമായി പ്രചരിപ്പിക്കുകയാണ്. ഈ അടുത്തകാലത്ത് അദ്ദേഹത്തെ നേരിട്ടു കണ്ടിട്ടുതന്നെയില്ല. തെരഞ്ഞെടുപ്പടുത്തപ്പോള്‍ യു.ഡി.എഫ് പ്രവര്‍ത്തകര്‍ക്കിടയില്‍ ആശയക്കുഴപ്പമുണ്ടാക്കാനുള്ള ശ്രമത്തിന്റെ ഭാഗമാണ് ഈ വാര്‍ത്തയെന്നു സംശയിക്കുന്നതായി അദ്ദേഹം ഫേസ്ബുക്കില്‍ കുറിച്ചു.