ഐഎസ്എല്ലില്‍ ഇന്ന് കേരളാ ബ്ലാസ്റ്റേഴ്‌സ് ഹൈദരാബാദ് എഫ്.സി പോരാട്ടം. രാത്രി 7:30 ന് ബമ്പോളിം സ്റ്റേഡിയത്തിലാണ് മത്സരം. ഹൈദരാബാദ് പോയിന്റ് പട്ടികയില്‍ ഒന്നാം സ്ഥാനത്തും ബ്ലാസ്റ്റേഴ്‌സ് അഞ്ചാമതാണ്. ആദ്യ പാദത്തില്‍ ബ്ലാസ്റ്റേഴ്സ് ഒറ്റ ഗോളിന് ഹൈദരാബാദിനെ തോല്‍പിച്ചിരുന്നു.

മുംബൈയുടെ കുതിപ്പില്‍ അഞ്ചാം സ്ഥാനത്തായ കേരളാ ബ്ലാസ്റ്റേഴ്സിന് മുന്നിലെത്താന്‍ ഇന്ന് അവസരമുണ്ട്. പോയിന്റ് പട്ടികയില്‍ ഒന്നാം സ്ഥാനക്കാരായ ഹൈദരാബാദ് എഫ്.സിയെ പരാജയപ്പെടുത്തിയാല്‍ ബ്ലാസ്റ്റേഴ്സ് 30 പോയിന്റുമായി മുംബൈക്കു മുന്നിലെത്തും.

16 മത്സരങ്ങളില്‍ നിന്നും ഇവാന്‍ വുകുമനോവിച്ചിന്റെ ബ്ലാസ്റ്റേഴ്‌സിന് ഉള്ളത് 27 പോയിന്റാണ്. ടീമിന് ബാക്കി ഉള്ളത് നാലു മത്സരങ്ങളാണ്.