ആലപ്പുഴ: ആലപ്പുഴ മാന്നാറില്‍ യുവതിയെ തട്ടിക്കൊണ്ടു പോകാന്‍ ഉപയോഗിച്ച വാഹനം തിരിച്ചറിഞ്ഞു. പ്രതികളെ കുറിച്ച വ്യക്തമായ സൂചന ലഭിച്ചെന്നും പൊലിസ് വ്യക്തമാക്കി. സ്വര്‍ണക്കടത്ത് സംഘത്തെ കുറിച്ചുള്ള വിവരങ്ങള്‍ പൊലിസ് കസ്റ്റംസിനും ഇഡിക്കും കൈമാറി. സമാന്തര അന്വേഷണം ആവശ്യമുണ്ടോയെന്ന് ഇ.ഡി തീരുമാനിക്കും. സംഭവത്തില്‍ കസ്റ്റംസും പൊലിസ് അന്വേഷം തുടരുകയാണ്.

ആലപ്പുഴ: ആലപ്പുഴ മാന്നാറില്‍ സ്വര്‍ണക്കടത്ത് സംഘം യുവതിയെ തട്ടിക്കൊണ്ടു പോയ കേസിന്റെ അന്വേഷണ വിവരങ്ങള്‍ പൊലിസ് എന്‍ഫോഴ്‌സ്‌മെന്റിനെ അറിയിച്ചു. കേസില്‍ സമാന്തര അന്വേഷണം ആവശ്യമുണ്ടോയെന്ന് ഇഡി തീരുമാനിക്കും.

സംഘത്തിലെ പ്രധാനിയായ മുഹമ്മദ് ഹനീഫയുടെ കൂട്ടാളികളെ കേന്ദ്രീകരിച്ചാണ് പൊലിസ് അന്വേഷണം. ഹനീഫയുമായി ബന്ധമുള്ള ആളുകളാണ് തട്ടിക്കൊണ്ട് പോകലിന് പിന്നിലെന്ന് ബിന്ദു പൊലിസിന് മൊഴി നല്‍കിയിരുന്നു. അതേസമയം സ്വര്‍ണ്ണക്കടത്തുമായി ബന്ധപ്പെട്ട് കസ്റ്റംസ് അന്വേഷണം തുടരുകയാണ്. ആരോഗ്യ സ്ഥിതി മോശമായതിനാല്‍ ഉദ്യോഗസ്ഥര്‍ക്ക് ഇന്നലെ ബിന്ദുവിനെ കാണാന്‍ കഴിഞ്ഞിരുന്നില്ല. പിന്നീട് നോട്ടിസ് നല്‍കി വിശദമായി ചോദ്യം ചെയ്യാനാണ് കസ്റ്റംസ് തീരുമാനം.