പെരിങ്ങത്തൂര്‍: പെരിങ്ങത്തൂര്‍ ശൈഖ് അലിയ്യുല്‍ കൂഫി (റ) തങ്ങളുടെ ഉറൂസ് 21നു തുടങ്ങും. 21നു രാത്രി ഏഴിന് കോഴിക്കോട് വലിയഖാസി സയ്യിദ് നാസര്‍ ഹയ്യ് ശിഹാബ് തങ്ങള്‍ ഉദ്ഘാടനം ചെയ്യും.
നൗഷാദ് ബാഖവി ചിറയിന്‍കീഴ് മുഖ്യ പ്രഭാഷണം നടത്തും.  ഉറൂസ് ഉദ്ഘാടന സമ്മേളനം, കൂട്ടസിയാറത്ത്, സ്‌നേഹ സംഗമം, സ്വലാത്ത് വാര്‍ഷികം, മൗലീദ് പാരായണം, ആരോഗ്യ ബോധവല്‍കരണം, മെഡിക്കല്‍ ക്യാംപ്, അന്നദാനം എന്നിവ നടക്കും.
സാദാത്തുകള്‍, സൂഫി വര്യര്‍, പണ്ഡിതര്‍ തുടങ്ങിയ രാഷ്ട്രീയ സാമൂഹ്യ സാംസ്‌കാരിക നേതാക്കള്‍ സംബന്ധിക്കുന്ന ഉറൂസ് 27ന് അന്നദാനത്തോടെ സമാപിക്കും. 26നു സമാപന സമ്മേളനം പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും.
സിംസാറുല്‍ ഹഖ് ഹുദവി മുഖ്യപ്രഭാഷണം നടത്തും. എന്‍.എ.എം ഹയര്‍സെക്കന്‍ഡറി സ്‌കൂള്‍ ഗ്രൗണ്ടില്‍ പതിനായിരം പേര്‍ക്ക് പ്രഭാഷണം കേള്‍ക്കാനുള്ള പന്തല്‍, പാര്‍ക്കിങ് സൗകര്യം എന്നിവ ഒരുക്കിയതായി സംഘാടകര്‍ അറിയിച്ചു.