പരിയാരം:   മനുഷ്യപക്ഷ രാഷ്ട്രീയം ഉള്ളിലുള്ളവര്‍ക്കേ മികച്ച കലാകാരനും പ്രൊഫഷണലുമാവാന്‍ സാധിക്കൂവെന്ന് ചലച്ചിത്രസംവിധായകന്‍ ഡോ.ബിജു. പരിയാരം നഴ്‌സിങ് കോളജ് കലോത്സവം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കച്ചവടവത്ക്കരിക്കാന്‍ പാടില്ലാത്ത മേഖലയാണ് വിദ്യാഭ്യാസ മേഖലയും ആരോഗ്യമേഖലയും. എന്നാലിന്ന് ഏറ്റവുമധികം കച്ചവടവത്ക്കരിക്കപ്പെടുന്ന മേഖലയും ഇതാണെന്നും അദ്ദേഹം കൂട്ടിച്ചേര്‍ത്തു. ചടങ്ങില്‍ യൂണിയന്‍ ചെയര്‍പേഴ്‌സണ്‍ രമ്യ സണ്ണി അധ്യക്ഷയായി. എസ്.ഐ എന്‍ മനോജ്, കോളജ് എം.ഡി കെ രവി, പ്രിന്‍സിപ്പല്‍ പ്രൊഫ. എം.കെ പ്രീത, ശ്രീജ ജി പിള്ള, കെ.പി ഫൈസല്‍, കെ.കെ രാജന്‍, പി മുഹമ്മദ് ഇസ്മയില്‍, അനൂപ് ജോസഫ് സംസാരിച്ചു.