പെരിന്തല്‍മണ്ണ : പട്ടിക്കാട് ജാമിഅ നൂരിയ്യ അറബിയ്യഃക്ക് വേണ്ടി തയ്യാറാക്കിയ പുതിയ ലോഗോയുടെ പ്രകാശന കര്‍മ്മം ശൈഖുല്‍ ജാമിഅ കെ.ആലിക്കുട്ടി മുസ്‌ലിയാരുടെ അധ്യക്ഷതയില്‍ ജാമിഅ ജന:സെക്രട്ടറി പാണക്കാട് സയ്യിദ് സ്വാദിഖലി ശിഹാബ് തങ്ങള്‍ നിര്‍വ്വഹിച്ചു. ശിയാസ് അഹ്മദ് ഹുദവി പാലത്തിങ്ങലാണ് അന്താരാഷ്ട്ര നിലവാരമുള്ള ലോഗോ രൂപകല്പന ചെയ്തത്.

ചടങ്ങില്‍ ജാമിഅ സെക്രട്ടറി കെ.ഇബ്രാഹീം ഫൈസി തിരൂര്‍ക്കാട്, ളിയാഉദ്ദീന്‍ ഫൈസി മേല്‍മുറി, സുലൈമാന്‍ ഫൈസി ചുങ്കത്തറ, ഒ.ടി.മുസ്തഫ ഫൈസി, മുഹമ്മദലി ശിഹാബ് ഫൈസി, ഉമര്‍ ഫൈസി മുടിക്കോട്, എ.ടി മുഹമ്മദലി ഹാജി, മുജ്തബ ഫൈസി ആനക്കര, ഹാഫിള് സല്‍മാന്‍ ഫൈസി, നാസര്‍ ഫൈസി വയനാട്, ഉസ്മാന്‍ ഫൈസി അരിപ്ര പങ്കെടുത്തു.