കീവ്: റഷ്യയുമായുള്ള ചര്‍ച്ചയില്‍ പ്രതീക്ഷയില്ലെന്ന് ഉക്രൈന്‍ പ്രസിഡന്റ് വഌദിമിര്‍ സെലന്‍സ്‌കി. ആണവായുധങ്ങള്‍ സജ്ജമാക്കാന്‍ സേനാ തലവന്മാര്‍ക്ക് റഷ്യന്‍ പ്രസിഡന്റ് വഌദിമിര്‍ പുടിന്‍ നിര്‍ദേശം നല്‍കി എന്ന വാര്‍ത്ത വന്നതിനു തൊട്ടു പിന്നാലെ ഉക്രൈന്‍ സമാധാന ചര്‍ച്ചയ്ക്ക് തയ്യാറാണെന്ന് അറിയിച്ചിരുന്നു. എന്നാല്‍ റഷ്യയുമായുള്ള ചര്‍ച്ചയില്‍ പ്രതീക്ഷയില്ലെന്നാണ് ഇപ്പോള്‍ ഉക്രൈന്‍ വ്യക്തമാക്കുന്നത്.

അതേസമയം അടുത്ത 24 മണിക്കൂര്‍ നിര്‍ണായകമെന്ന് സെലന്‍സ്‌കി വ്യക്തമാക്കി. ഉക്രൈന്‍ പ്രതിസന്ധിയുമായി ബന്ധപ്പെട്ട് ബ്രിട്ടീഷ് പ്രധാനമന്ത്രി ബോറിസ് ജോണ്‍സണ്‍ സെലന്‍സ്‌കിയുമായി ഫോണില്‍ സംസാരിച്ചിരുന്നു.