പെരുമ്പാവൂര്‍: മഞ്ഞപ്പെട്ടിയില്‍ സ്വര്‍ണ്ണക്കട കുത്തിത്തുറന്ന് മോഷണം. പെരുമ്പാവൂര്‍ പാപ്പന്‍പടി കേച്ചേരിക്കുടി സോമന്റെ ഉടമസ്ഥതയിലുള്ള കെ.ആര്‍ ജ്വല്ലറിയിലാണ് കഴിഞ്ഞ ദിവസം രാത്രിയില്‍ മോഷണം നടന്നത്.  ഏകദേശം നാല് ലക്ഷത്തോളം വരുന്ന ആഭരണങ്ങള്‍ നഷ്ടപ്പെടതായി ഉടമസ്ഥന്‍ പറയുന്നു.
കടയുടെ താഴറുത്ത് അകത്ത് പ്രവേശിച്ച മോഷ്ടാവ്  10 കിലോയോളം വരുന്ന വെള്ളിയാഭരണങ്ങളാണ് കവര്‍ന്നത്. സ്വര്‍ണം ലോക്കറില്‍ സൂക്ഷിച്ചിരുന്നതിനാല്‍ ലോക്കര്‍ തകര്‍ക്കാന്‍ സാധിച്ചില്ല. പെരുമ്പാവൂര്‍ പൊലിസ് കേസെടുത്ത് അന്വേഷണം ആരംഭിച്ചു.