കോഴിക്കോട്: കൊവിഡ് പ്രതിസന്ധിക്കിടെ ഏറെ ആശങ്കയോടെ എസ്.എസ്.എല്‍.സി പരീക്ഷയ്ക്ക് തയാറെടുക്കുന്ന വിദ്യാര്‍ഥികള്‍ക്ക് ആത്മവിശ്വാസം പകരുന്നതിനായി സുപ്രഭാതം സംഘടിപ്പിക്കുന്ന എയിം എപ്ലസ് മോഡല്‍ പരീക്ഷ ആറിന്.

എസ്.എസ്.എല്‍.സി പൊതുപരീക്ഷയുടെ അതേ മാതൃകയില്‍ എല്ലാ മാനദണ്ഡങ്ങളും പാലിച്ചായിരിക്കും പരീക്ഷ നടത്തുക. എസ്.കെ.എസ്.എസ്.എഫ് ട്രന്റ്, സമസ്ത എംപ്ലോയീസ് അസോസിയേഷന്‍ എന്നിവയുടെ സഹകരണത്തോടെ സംസ്ഥാനത്ത് 12 കേന്ദ്രങ്ങളിലായാണ് പരീക്ഷ സംഘടിപ്പിക്കുന്നത്. വിദ്യാര്‍ഥികള്‍ക്കുള്ള ഹാള്‍ടിക്കറ്റ് ഇന്ന് രാവിലെ 11 മുതല്‍ സുപ്രഭാതം വെബ്‌സൈറ്റില്‍  https://digiexams.in/suprabhaatham/  ലഭ്യമാകും. വിദ്യാര്‍ഥികള്‍ക്ക് രജിസ്‌ട്രേഷന്‍ സമയത്ത് നല്‍കി ഫോണ്‍ നമ്പറും ഇമെയിലും എന്റര്‍ ചെയത് ഹാള്‍ടിക്കറ്റ് ഡൗണ്‍ലോഡ് ചെയ്യാവുന്നതാണ്.