ന്യൂയോർക്ക്
ഉക്രൈനിൽ അധിനിവേശം തുടരുന്നതിനിടെ റഷ്യക്കെതിരേ കടുത്ത നടപടികളുമായി മൈക്രോസോഫ്റ്റ്, ട്വിറ്റർ, ഗൂഗിൾ, ഫേസ്ബുക്ക്, യൂട്യൂബ് എന്നീ ടെക്‌നോളജി ഭീമന്മാർ.
വിൻഡോസ് ആപ്പ് സ്റ്റോറുകളിൽ നിന്ന് റഷ്യൻ സർക്കാർ ഉടമസ്ഥതയിലുള്ള മാധ്യമമായ ആർ.ടി ന്യൂസിന്റെ മൊബൈൽ ആപ്പുകൾ മൈക്രോസോഫ്റ്റ് നീക്കം ചെയ്യും.
റഷ്യൻ സ്‌പോൺസേർഡ് മാധ്യമങ്ങൾക്ക് പരസ്യം നൽകുന്നത് നിരോധിക്കാനും മൈക്രോസോഫ്റ്റ് തീരുമാനിച്ചു.
ആർ.ടി ന്യൂസിനും മറ്റ് റഷ്യൻ ചാനലുകൾക്കും അവരുടെ വെബ്‌സൈറ്റുകളിലും ആപ്പിലും യൂട്യൂബ് വീഡിയോകളിലും പരസ്യങ്ങൾ ലഭിക്കുന്നത് ഗൂഗിളും തടഞ്ഞിട്ടുണ്ട്.
ഉക്രൈനുള്ളിൽ ആർ.ടി ന്യൂസ് മൊബൈൽ ആപ്പ് ഡൗൺലോഡ് ചെയ്യുന്നതും ഗൂഗിൾ നിരോധിച്ചിട്ടുണ്ട്.
ട്വിറ്റർ, യൂട്യൂബ് പ്ലാറ്റ്‌ഫോമുകളും വിവിധതരത്തിലുള്ള നിയന്ത്രണങ്ങൾ റഷ്യക്ക് മേൽ ഏർപ്പെടുത്തി.