മലപ്പുറം
അരീക്കോടിന് സമീപം വാലില്ലാപുഴ ജുമുഅത്ത് പള്ളിയിൽ കഴിഞ്ഞ ദിവസമുണ്ടായ അക്രമം അപലപനീയമാണെന്നും വിഷയത്തിൽ പൊലിസിന്റെ ഭാഗത്തുനിന്ന് നീതിപൂർവമായ നടപടി ഉണ്ടാവണമെന്നും സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങൾ പ്രസ്താവനയിൽ ആവശ്യപ്പെട്ടു. പള്ളിയുടെ വിശുദ്ധി നഷ്ടപ്പെടുത്തുന്ന നടപടി ആരിൽനിന്നും ഉണ്ടാവാൻ പാടില്ല. നിസ്‌കാരത്തിന് പള്ളിയിലെത്തിയ മഹല്ല് ഭാരവാഹികൾ ഉൾപ്പെടെ സമസ്ത പ്രവർത്തകർക്കു നേരെ നടന്ന അക്രമം നീതീകരിക്കാനാവില്ല. എന്നും സമാധാനത്തിനു വേണ്ടി നിലകൊണ്ട പ്രസ്ഥാനമാണ് സമസ്ത. സമസ്ത പ്രവർത്തകർ ഒരിക്കലും അക്രമ മാർഗം സ്വീകരിക്കാറില്ല. പ്രവർത്തകർ ആത്മ സംയമനം പാലിക്കണമെന്നും തങ്ങൾ അഭ്യർഥിച്ചു.