കോഴിക്കോട്: നോര്‍ത്ത് മണ്ഡലത്തില്‍ സംവിധായകന്‍ രഞ്ജിത് മത്സരിച്ചേക്കില്ല. എ പ്രദീപ് കുമാറിനാണ് വിജയസാധ്യതയെന്ന് സി.പി.എം ജില്ലാ സെക്രട്ടറിയേറ്റില്‍ വാദമുയര്‍ന്നു.

പാര്‍ട്ടിയില്‍ തന്നെ ചില എതിര്‍പ്പുകള്‍ ഉയര്‍ന്ന പശ്ചാത്തലത്തില്‍ രഞ്ജിത് പിന്മാറാന്‍ സന്നദ്ധത അറിയിച്ചതായാണ് വിവരം. മൂന്നുതവണ മല്‍സരിച്ച പ്രദീപ് കുമാറിന് മാനദണ്ഡത്തില്‍ ഇളവുനല്‍കണമെന്നും യോഗത്തില്‍ ആവശ്യമുയര്‍ന്നു. സ്ഥാനാര്‍ഥി സാധ്യതാ പട്ടിക തയ്യാറാക്കാനായി ജില്ലാ സെക്രട്ടറിയേറ്റ് യോഗം തുടരുകയാണ്.