കോടിക്കുളം: പടിഞ്ഞാറേ കോടിക്കുളം ഹിദായത്തുല്‍ ഇസ്‌ലാം മദ്‌റസയില്‍ സ്വാതന്ത്ര്യദിന സംഗമം സംഘടിപ്പിച്ചു. മുഹമ്മദ് ശാഫി ഫൈസി ഉദ്ഘാടനം നിര്‍വഹിച്ചു.
ഒന്നാം സ്വാതന്ത്യ സമരം എന്ന് ചരിത്രത്തില്‍ രേഖപ്പെടുത്തുന്നതിന് മുമ്പ് ഭാരതത്തിലെ വിവിധ പ്രദേശങ്ങളില്‍ നടന്ന അധിനിവേശ പോരാട്ടങ്ങളെ കണ്ണടച്ച് ഇരുട്ടാക്കരുതെന്നും ടിപ്പു സുല്‍ത്താന്‍ ഉള്‍പ്പടെയുള്ളവരുടെ ചരിത്രം പാഠപുസ്തകങ്ങളില്‍ ചേര്‍ക്കപ്പെടേണ്ടതാണെന്നും അദ്ദേഹം പറഞ്ഞു.
സംഗമത്തോടനുബന്ധിച്ച് പതാക ഉയര്‍ത്തല്‍, ദേശീയഗാനാലാപനം, മധുരവിതരണം എന്നിവ നടന്നു. സി.പി മജീദ്, വി.പി മീരാന്‍ ഹാജി, അബ്ദുറഹ്മാന്‍ പുഴക്കര, സലീം അന്‍വരി, വി.കെ അഫ്‌സല്‍, പി.യു അഷ്‌റഫ്, ടി.എം മൈതീന്‍, പി.കെ അബ്ദുല്‍ കരീം, എന്‍.എ നിയാസ്, വി.എം ഇബ്രാഹിംകുട്ടി, ടി.എം താജ് പ്രസംഗിച്ചു.