കാസര്‍കോട്: കാസര്‍കോട് ബേക്കലില്‍ തോണിയപകടം. ഇന്നു വൈകുന്നേരം ഏഴുമണിയോടെയുണ്ടായ അപകടത്തില്‍ അഞ്ചുപേര്‍ രണ്ടു മണിക്കൂറിലേറെ സമയം കടലില്‍ കുടുങ്ങിക്കിടക്കുന്നു. അപകടത്തില്‍ തോണി രണ്ടായി മുറിയുകയായിരുന്നു. ശക്തമായ തിരമാലയില്‍ പെട്ടാണ് തോണി മുറിഞ്ഞത്. മുറിഞ്ഞ തോണിയുടെ ഒരു ഭാഗത്ത് തൂങ്ങിപ്പിടിച്ചാണ് തോണിയിലുണ്ടായിരുന്നവര്‍ കഴിഞ്ഞിരുന്നത്.
രാത്രി ഒമ്പതുമണിയോടെ രക്ഷാ ബോട്ട് അപകട സ്ഥലത്തെത്തി ഇവരെ രക്ഷപ്പെടുത്തുകയായിരുന്നു. അപകടത്തില്‍ പെട്ടത് തിരുവനന്തപുരം സ്വദേശികളാണ്. ഇവരെ കരക്കെത്തിച്ചിട്ടുണ്ട്.