തിരുവനന്തപുരം: സര്‍ക്കാര്‍ ആശുപത്രികളില്‍ കൊവിഡ് കുത്തിവെപ്പിനായി മുതിര്‍ന്ന പൗരന്മാരുടെ വന്‍ തിരക്ക്. കേന്ദ്ര ആരോഗ്യമന്ത്രാലയത്തിന്റെ കൊവിന്‍ പോര്‍ട്ടലിലെ സാങ്കേതികത്തകരാര്‍ മണിക്കൂറുകള്‍ പിന്നിട്ടിട്ടും പരിഹരിച്ചിട്ടില്ല. പലയിടത്തും പ്രായമായവരും ശാരീരികാവശതകള്‍ ഉള്ളവരുടേയും നീണ്ടനിരയാണ് പലയിടത്തും.

ആശുപത്രികളിലെ നീണ്ട ക്യൂവിനിടയില്‍ കൊവിഡ് മാനദണ്ഡങ്ങളും പാലിക്കപ്പെടുന്നില്ല. ആവശ്യത്തിന് ജീവനക്കാരില്ലാത്തതും തിരക്ക് കൂടാന്‍ കാരണമായി.

സംസ്ഥാനത്ത് നൂറില്‍ താഴെ സ്വകാര്യ ആശുപത്രികളിലാണ് വാക്‌സിനെടുക്കാന്‍ സൗകര്യമുള്ളത്. ചില ജില്ലകളില്‍ വിരലിലെണ്ണാവുന്ന കേന്ദ്രങ്ങള്‍ മാത്രമാണ് സ്വകാര്യമേഖലയിലുള്ളത്.