ആലപ്പുഴ: ആലപ്പുഴ രണ്‍ജീത്ത് ശ്രീനിവാസന്‍ വധക്കേസില്‍ ഒരാള്‍ കൂടി പിടിയില്‍. കൃത്യത്തില്‍ നേരിട്ട് പങ്കെടുത്തയാളാണ് പിടിയിലായത്. ഇതോടെ കൊലപാതകത്തില്‍ നേരിട്ട് പങ്കെടുത്ത 12 പേരും പിടിയിലായി.

മുഖ്യപ്രതിയായ എസ്.ഡി.പി.ഐ പ്രവര്‍ത്തകന്‍, ആര്യാട് സ്വദേശി അസ്‌ലമിനെ ഫെബ്രുവരി ഒന്നിന് പിടികൂടിയിരുന്നു. എറണാകുളത്ത് നിന്നാണ് ഇയാളെ പിടികൂടിയത്. 14 പേരെ ഗൂഢാലോചനക്കേസിലാണ് അറസ്റ്റ് ചെയ്തിരുന്നത്. ഡിസംബര്‍ 20 ഞായറാഴ്ച രാവിലെയാണ് രണ്‍ജീത് കൊല്ലപ്പെട്ടത്.