റിയാദ്: സഊദിക്ക് നേരെ വീണ്ടും തുടർച്ചയായ കൂട്ട ആയുധ ഡ്രോൺ ആക്രമണങ്ങൾ നടത്തിയതായും എന്നാൽ ഹൂതികളുടെ ലക്‌ഷ്യം കാണും മുമ്പ് അവ തകർത്തതായും അറബ് സഖ്യ സേന അറിയിച്ചു. യമനിലെ ഇറാൻ അനുകൂല ഹൂതികളാണ് സഊദിക്ക് നേരെ തുടർച്ചയായ ആക്രമണങ്ങൾ നടത്തുന്നത്. വെള്ളിയാഴ്ച പുലർച്ചെ മാത്രം നാല് ആയുധ ഡ്രോണുകളാണ് സഊദി ജനവാസ മേഖല ലക്ഷ്യമാക്കിയെത്തിയത്.

  കൂടാതെ, കഴിഞ്ഞ ദിവസങ്ങളിലും സഊദിക്ക് നേരെ ആയുധ ഡ്രോണുകളും ബാലിസ്റ്റിക് മിസൈലുകളും കുതിച്ചെത്തിയിരുന്നു. എന്നാൽ, സഊദി പ്രതിരോധ സേനയും അറബ് സഖ്യ സേനയും വ്യോമ പ്രതിരോധ സംവിധാനമുപയോഗിച്ച് ഇവ തകർത്തതിനാൽ വൻ ദുരന്തങ്ങളിൽ നിന്നാണ് സഊദി അറേബ്യ രക്ഷപ്പെട്ടത്. സഊദിക്കെതിരെ നടക്കുന്ന തുടർച്ചയായ ആക്രമണത്തിനെതിരെ വിവിധ ലോക രാജ്യങ്ങൾ അപലപിച്ചിട്ടുണ്ട്.