തിരുവനന്തപുരം: കോണ്‍ഗ്രസില്‍ യുവാക്കള്‍ക്കും പുതുമുഖങ്ങള്‍ക്കും വനിതകള്‍ക്കും 50 ശതമാനത്തിലധികം സീറ്റുകള്‍ നല്‍കുമെന്ന് ഉമ്മന്‍ചാണ്ടി. ഈ മാനദണ്ഡമനുസരിച്ചാണ് സ്ഥാനാര്‍ത്ഥിനിര്‍ണയം മുന്നോട്ട് പോകുന്നതെന്നും ഉമ്മന്‍ചാണ്ടി വ്യക്തമാക്കി. രണ്ട് പ്രാവശ്യത്തിലധികം മത്സരിച്ച് തോറ്റവര്‍ക്ക് സീറ്റ് നല്‍കില്ല. തദ്ദേശതെരഞ്ഞെടുപ്പില്‍ മത്സരിച്ച് തോറ്റവരെയും പരിഗണിക്കില്ല. നാളത്തെ യോഗത്തില്‍ പ്രകടനപത്രിക അന്തിമമായി തീരുമാനിക്കും. ഇക്കാര്യത്തില്‍ യു.ഡി.എഫ് ഘടകകക്ഷികളുമായി ആലോചിച്ച് തീരുമാനമെടുക്കുമെന്നും ഉമ്മന്‍ചാണ്ടി വ്യക്തമാക്കി.