ന്യൂയോര്‍ക്ക്: ട്രംപിന്റെ നഗ്നപ്രതിമയുമായി അമേരിക്കയില്‍ പുതിയ പ്രതിഷേധം.ഇന്‍ഡിക്ലൈന്‍ എന്ന സംഘടനയാണ് ട്രംപിന്റെ നിലപാടുകളോട് ഇത്തരത്തിലൊരു പ്രതിഷേധവുമായി രംഗത്തുവന്നത്. ട്രംപിന്റെ നഗ്നമായ പ്രതിമ പലയിടങ്ങളില്‍ പ്രദര്‍ശിപ്പിച്ചായിരുന്നു ട്രംപിനോടുള്ള പ്രതിഷേധം അറിയിച്ചത്. സാന്‍ഫ്രാന്‍സിസ്‌കോ, ലോസ് ഏഞ്ചല്‍സ്, ക്ലീവ് ലാന്‍ഡ്, ന്യൂയോര്‍ക്ക് എന്നിവിടങ്ങളിലാണ് ഇവർ പ്രതിമ സ്ഥാപിച്ചത്.

രണ്ടു മണിക്കൂറോളം ആള്‍ക്കൂട്ടത്തിനു നടുവില്‍ പ്രദര്‍ശിപ്പിക്കപ്പെട്ട പ്രതിമ പിന്നീട് അധികൃതര്‍ നീക്കം ചെയ്തു.

രാജാവ് നഗ്നനാണെന്ന വിശേഷണത്തിലൂന്നിയാണ് ഇവര്‍ പ്രതിമ സ്ഥാപിച്ചത്. ട്രംപിന്റെ വിദ്വേഷ പ്രസംഗങ്ങള്‍ക്കെതിരെ ഉയരുന്ന പല പ്രതിഷേധങ്ങളില്‍ ഒന്നു മാത്രമാണിത്.