മീനങ്ങാടി: ബസും ഗുഡ്‌സ് ഓട്ടോയും കൂട്ടിയിടിച്ച് ഗുഡ്‌സ് ഓട്ടോ ഡ്രൈവര്‍ക്ക് പരുക്ക്. ബത്തേരി പുത്തന്‍കുന്ന് കുണ്ടുവയല്‍ വീട്ടില്‍ കുട്ടിമൂസയുടെ മകന്‍ മൊയ്തീന്‍ കുട്ടി (45)ക്കാണ് ഗുരുതരമായി പരുക്കേറ്റത്.
രാവിലെ എട്ടരയോടെ മീനങ്ങാടി എഫ്.സി.ഐ ഗോഡൗണിനു സമീപമാണ് അപകടം നടന്നത്.
കല്‍പ്പറ്റയിലേക്ക് പോകുകയായിരുന്ന സ്വകാര്യ ബസും എതിരേ വന്ന ഗുഡ്‌സ് ഓട്ടോയും ഇടിച്ചാണ് അപകടം. ബേക്കറി പലഹാരങ്ങളുടെ വിതരണക്കാരനാണ് മൊയ്തീന്‍കുട്ടി.
ഇടിയുടെ ആഘാതത്തില്‍ തലക്കും കാലിനും ഗുരുതരമായി പരുക്കേറ്റ മൊയ്തീന്‍കുട്ടി കോഴിക്കോട് മെഡിക്കല്‍ കോളജില്‍ ചികിത്സയിലാണ്.