തിരുവനന്തപുരം: നിയമസഭാ തെരഞ്ഞെടുപ്പില്‍ സൂപ്പര്‍താരം സുരേഷ് ഗോപി മത്സരിക്കണമെന്ന് കേന്ദ്ര നേതൃത്വം. എ.പ്ലസ് മണ്ഡലത്തില്‍ തന്നെ മത്സരിക്കണമെന്നും കേന്ദ്രനേതൃത്വം സുരേഷ് ഗോപിയോട് ആവശ്യപ്പെട്ടിരിക്കുന്നത്.

നിര്‍ബന്ധമെങ്കില്‍ ഗുരുവായൂരില്‍ നിന്ന് മത്സരിക്കാമെന്ന് സുരേഷ് ഗോപിയും കേന്ദ്രനേതൃത്വത്തെ അറിയിച്ചിട്ടുണ്ട്. വട്ടിയൂര്‍ക്കാവ്, തിരുവനന്തപുരം, തൃശ്ശൂര്‍ എന്നീ മണ്ഡലങ്ങളാണ് സുരേഷ് ഗോപിക്കായി പാര്‍ട്ടി മാറ്റിവച്ചിരിക്കുന്നത്. ജോഷിയുടെ പുതിയ ചിത്രത്തില്‍ അഭിനയിക്കുന്നതിന്റെ തിരക്കിലാണെന്ന കാരണം പറഞ്ഞ് മത്സരിക്കുന്നതില്‍ നിന്ന് മാറി നില്‍ക്കുകയായിരുന്നു സുരേഷ് ഗോപി. എ പ്ലസ് മണ്ഡലങ്ങള്‍ അതല്ലെങ്കില്‍ സുരേഷ് ഗോപിക്ക് ഇഷ്ടമുള്ള മണ്ഡലം എന്ന ഫോര്‍മുലയിലേക്ക് ബി.ജെ.പി എത്തുമെന്നാണ് കരുതപ്പെടുന്നത്.