കൊച്ചി:നിയമസഭാ തെരഞ്ഞെടുപ്പില്‍ താന്‍ മത്സരിക്കുന്നുവെന്ന തരത്തിലുള്ള അഭ്യൂഹങ്ങള്‍ തള്ളി നടന്‍ മമ്മൂട്ടി. സജീവ രാഷ്ട്രീയത്തില്‍ താല്‍പര്യമില്ല. തന്റെ ഏറ്റവും വലിയ രാഷ്ട്രീയം സിനിമയാണ്.

ഈ തെരഞ്ഞെടുപ്പില്‍ സ്ഥാനാര്‍ഥിയാകാന്‍ ആരും തന്നോട് ആവശ്യപ്പെട്ടിട്ടില്ല. തന്നെ മത്സരിപ്പിക്കണമെന്ന് ആരോടെങ്കിലും താനും ആവശ്യപ്പെട്ടിട്ടില്ല. താന്‍ രാഷ്ട്രീയത്തില്‍ വരുന്നെന്ന തരത്തിലുള്ള വാര്‍ത്തകള്‍ ശ്രദ്ധയില്‍പെട്ടിട്ടുണ്ട്. അത്തരം കാര്യങ്ങളോട്  പ്രതികരിക്കാറില്ല. സജീവരാഷ്ട്രീയത്തില്‍ തല്‍ക്കാലം താല്‍പര്യമില്ലെന്നും മമ്മൂട്ടി പറഞ്ഞു. തന്റെ പുതിയ സിനിമയുടെ റീലീസ് തിയതി പ്രഖ്യാപിക്കാന്‍ നടത്തിയ വാര്‍ത്താസമ്മേളനത്തിലായിരുന്നു അദ്ദേഹത്തിന്റെ പ്രതികരണം.