മേരിലാന്‍ഡ്: ജനിതകമാറ്റം വരുത്തിയ പന്നിയുടെ ഹൃദയം സ്വീകരിച്ചയാള്‍ മരിച്ചു. 57കാരനായ ഡേവിഡ് ബെന്നറ്റിനാണ് പന്നിയുടെ ഹൃദയം മാറ്റിവെച്ചത്. ട്രാന്‍സ്പ്ലാന്റ് ശസ്ത്രക്രിയയ്ക്ക് ശേഷം രണ്ട് മാസത്തിന് ശേഷമാണ് മേരിലാന്‍ഡ് യൂണിവേഴ്‌സിറ്റി മെഡിക്കല്‍ സെന്ററില്‍ വച്ച് മരിച്ചത്.

മനുഷ്യ ഹൃദയം സ്വീകരിക്കാന്‍ നിരവധി പേര്‍ വെയിറ്റിംഗ് ലിസ്റ്റുകളില്‍ ഉള്ളതിനാല്‍ പരീക്ഷണാത്മകമായി പന്നിയുടെ ഹൃദയം സ്വീകരിക്കാന്‍ അദ്ദേഹം തയ്യാറാവുകയായിരുന്നു.ബെന്നറ്റിന്റെ മരണകാരണം എന്താണെന്ന് ഇതുവരെ കൃത്യമായി വ്യക്തമല്ല.

മേരിലാന്‍ഡ് യൂണിവേഴ്‌സിറ്റി മെഡിക്കല്‍ സെന്റര്‍ അനുസരിച്ച്, ജനുവരി 7 ന് അദ്ദേഹത്തിന് ട്രാന്‍സ്പ്ലാന്റ് ലഭിച്ചു, അതിനുശേഷം അദ്ദേഹം സുഖം പ്രാപിച്ചു. അടുത്ത ദിവസങ്ങളില്‍ അദ്ദേഹം വഷളാകാന്‍ തുടങ്ങി, ബുധനാഴ്ച അദ്ദേഹത്തിന്റെ മരണം ആശുപത്രി അറിയിച്ചു. ജനിതകമാറ്റം വരുത്തിയ മൃഗങ്ങളുടെ അവയവം സ്വീകരിച്ച ആദ്യത്തെ രോഗിയാണ് ബെന്നറ്റ്.