പനാജി: ഗോവയില്‍ മുന്‍ മുഖ്യമന്ത്രി മനോഹര്‍ പരീക്കറിന്റെ മകന്‍ ഉത്പല്‍ പരീക്കറിന് തോല്‍വി. പനാജി സീറ്റില്‍ നിന്ന് മത്സരിച്ചാണ് ഉത്പല്‍ തോറ്റത്. ബി.ജെ.പിയുടെ ബാബുഷ് മോണ്‍സരാറ്റിയാണ് മണ്ഡലത്തില്‍ വിജയിച്ചത്. ബി.ജെ.പിയില്‍ നിന്ന് വിമതനായി മത്സരിച്ച നേതാവാണ് മോണ്‍സരാറ്റി.

ഫലം നിരാശ നല്‍കുന്നതാണെന്ന് ഉത്പല്‍ പരീക്കര്‍ പറഞ്ഞു. മത്സരിച്ച രീതിയില്‍ തനിക്ക് സംതൃപ്തിയുണ്ടെന്നും തന്റെ വോട്ടര്‍മാര്‍ക്ക് നന്ദി അറിയിക്കുന്നുവെന്നും ഉത്പല്‍ പരീക്കര്‍ പറഞ്ഞു.

അതേസമയം ഭൂരിപക്ഷം കിട്ടുമെന്ന കാര്യത്തില്‍ ബിജെപി ക്യാമ്പ് ആത്മവിശ്വാസത്തിലാണ്. മാര്‍ച്ച് പതിനാലിനായിരിക്കും സത്യപ്രതിജ്ഞയെന്നാണ് സൂചന.