പാലക്കാട്: വാളയാറില്‍ നവജാത ശിശുവിനെ വഴിയില്‍ ഉപേക്ഷിച്ച നിലയില്‍ കണ്ടെത്തി. പ്ലാസ്റ്റിക് കവറില്‍ പൊതിഞ്ഞ നിലയിലായിരുന്നു കുഞ്ഞിനെ കണ്ടെത്തിയത്. ദേശീയ പാതയില്‍ ചുള്ളി മടപേട്ടക്കാട്ടെ കുറ്റിക്കാട്ടില്‍ നിന്നാണ് കുഞ്ഞിന്റെ കരച്ചില്‍ കേട്ടത്. തുടര്‍ന്ന് നാട്ടുകാരാണ് വിവരം പൊലിസിനെ അറിയിച്ചത്.

 പ്രസവിച്ച് മണിക്കൂറുകള്‍ക്കകമാണ് അമ്മ കുഞ്ഞിനെ ഉപേക്ഷിച്ചതെന്നു കരുതുന്നു.
സംഭവത്തില്‍ കുഞ്ഞിന്റെ അമ്മയെ പെരുമ്പാവൂരില്‍ നിന്ന് അങ്കമാലി പൊലിസ് കസ്റ്റഡിയിലെടുത്തു.
പശ്ചിമബംഗാള്‍ സ്വദേശിയാണ് കുഞ്ഞിനെ ഉപേക്ഷിച്ചത്. ഇതര സംസ്ഥാന തൊഴിലാളികളെ എത്തിക്കുന്ന ബസ്സിലാണ് അമ്മയും സംഘവുമെത്തിയതെന്നും പൊലിസ് പറഞ്ഞു. കുഞ്ഞിനെ ജില്ലാ ആശുപത്രിയിലേക്ക് മാറ്റി.