ആലപ്പുഴ: നിയോജകമണ്ഡലത്തിലെ ഹയര്‍ സെക്കന്‍ഡറി, ഹൈസ്‌കൂള്‍ വിഭാഗങ്ങളിലെ മുഴുവന്‍ ക്ലാസ് മുറികളിലും ആധുനിക സാങ്കേതിക സംവിധാനങ്ങള്‍ ഏര്‍പ്പെടുത്തുന്ന പദ്ധതിയുടെ മുന്നൊരുക്കത്തിന്റെ ഭാഗമായുളള ആശയ സ്വാംശീകരണ ശില്‍പശാല ഇന്നും നാളെയുമായി കലവൂര്‍ ഗവ. ഹൈസ്‌കൂളില്‍ നടക്കും.
നാളെ രാവിലെ പത്തിനു മന്ത്രി പ്രഫ. സി രവീന്ദ്രനാഥ് ഉദ്ഘാടനം ചെയ്യും.
മന്ത്രി ഡോ. തോമസ്  ഐസക്, എം.എല്‍.എമാരായ എ പ്രദീപ് കുമാര്‍, ജയിംസ് മാത്യു, ജില്ലാ പഞ്ചായത്ത് പ്രസിഡന്റ് ജി വേണുഗോപാല്‍, വിദ്യാഭ്യാസ സ്ഥിരംസമിതി ചെയര്‍മാന്‍ കെ.ടി മാത്യു, വിദ്യാഭ്യാസ ഉപഡയറക്ടര്‍ വി അശോകന്‍, ത്രിതല പഞ്ചായത്ത് ജനപ്രതിനിധികള്‍, ഡി.ഇ.ഒമാര്‍ തുടങ്ങിയവര്‍ പങ്കെടുക്കുമെന്ന് ജില്ലാ പഞ്ചായത്തംഗം പി.എ ജുമൈലത്ത്, വി അശോകന്‍, വി.വി മോഹന്‍ദാസ്, കെ.വി വിജയകുമാര്‍ എന്നിവര്‍ അറിയിച്ചു.