ജമ്മു: കശ്മീരില്‍ നാല് ഭീകരരെ ഏറ്റുമുട്ടലില്‍ വധിച്ചതായി സൈന്യം. ഒരു ഭീകരനെ ജീവനോടെ പിടികൂടി. കൊല്ലപ്പെട്ടവരില്‍ ഒരാള്‍ പാക് സ്വദേശിയാണ്. ഇന്നലെ രാത്രി കശ്മീരിലെ വിവിധ ഇടങ്ങളില്‍ നടത്തിയ ഓപ്പറേഷനിലാണ് നാല് പേരെവധിച്ചതെന്നാണ് സൈനിക വൃത്തങ്ങള്‍ വ്യക്തമാക്കുന്നത്. പുല്‍വാമയില്‍ നടത്തിയ ഓപ്പറേഷനില്‍ രണ്ട് ജെയ്‌ഷെ ഭീകരരെയും ഒരു പാക് ഭീകരനെയും ഖണ്ഡേര്‍ബാളിലും ഹാന്‍ഡവാരയിലും നടത്തിയ ഓപ്പറേഷനില്‍ ഒരു ലഷ്‌ക്വറ ത്വയ്ബ ഭീകരനെയും സൈന്യം വധിച്ചു.