ന്യുഡല്‍ഹി: ഡല്‍ഹിക്കടുത്ത ചേരി പ്രദേശത്ത് വന്‍ തീപ്പിടുത്തം. ഇതുവരേ ഏഴുപേര്‍ മരിച്ചതായാണ് റിപ്പോര്‍ട്ട്. 30 കുടിലുകളാണിവിടെ കത്തിനശിച്ചത്. എഴുപതുപേര്‍ക്ക് പൊള്ളലേറ്റുവെന്നാണ് പ്രഥാമികമായ വിലയിരുത്തല്‍.

ഇന്നലെ രാത്രി ഒന്നര മണിയോടെയായിരുന്നു ഗോഗുല്‍പുരയിലെ ചേരിപ്രദേശത്ത് തീപ്പിടുത്തമുണ്ടായത്. പലരും പൊള്ളലേറ്റ് ആശുപത്രികളില്‍ ചികിത്സയിലാണ്. രക്ഷാ ദൗത്യങ്ങള്‍ ഇപ്പോഴും പുരോഗമിക്കുകയാണ്. ഇപ്പോള്‍ തീ നിയന്ത്രണവിധേയമായതായാണ് പൊലിസ് അറിയിക്കുന്നത്. കൂടുതല്‍ വിവരങ്ങള്‍ അറിവായിട്ടില്ല.എന്നാല്‍ തീപിടിത്ത കാരണം വ്യക്തമല്ല. പരിശോധന നടന്നുകൊണ്ടിരിക്കുകയാണ്. പൊലീസ് സ്ഥലത്ത് ക്യാമ്പ് ചെയ്യുന്നുണ്ട്. ദില്ലി മുഖ്യമന്ത്രി അരവിന്ദ് കെജ്രിവാള്‍ സ്ഥലം സന്ദര്‍ശിച്ചു.