കോട്ടയം: സ്ഥാനാര്‍ത്ഥി നിര്‍ണയത്തില്‍ ഉടക്കിയ മഹിളാ കോണ്‍ഗ്രസ് നേതാവ് ലതിക സുഭാഷിനെ അനുനയിപ്പിക്കാന്‍ യു.ഡി.എഫ്. ഇതിന്റെ ഭാഗമായി യു.ഡി.എഫ് ജില്ലാ നേതാക്കള്‍ ലതികയുടെ വീട്ടിലെത്തി. ഏറ്റുമാനൂരില്‍ മത്സരിക്കുന്ന പ്രിന്‍സ് ലൂക്കോസും സംഘത്തിലുണ്ടായിരുന്നു. എന്നാല്‍ അനുനയ ശ്രമങ്ങള്‍ക്ക് ലതിക സുഭാഷ് വഴങ്ങിയിട്ടില്ലെന്നാണ് സൂചന.

ഇന്ന് വൈകുന്നേരം ചേരുന്ന യോഗത്തില്‍ തന്നോടൊപ്പം നില്‍ക്കുന്ന പ്രവര്‍ത്തകരുടെ ആവശ്യമാണ് താന്‍ പരിഗണിക്കുകയെന്ന് അവര്‍ വ്യക്തമാക്കി. മത്സരിക്കുമെന്ന് പറഞ്ഞില്ലെങ്കിലും പ്രവര്‍ത്തകര്‍ എന്ത് പറയുന്നോ അതാണ് തന്റെ നിലപാടെന്ന് അവര്‍ നേതാക്കളോട് പ്രതികരിച്ചു.