അമ്പലപ്പുഴ:  ആരോഗ്യ - പരിസ്ഥിതി- ജീവകാരുണ്യ പ്രവര്‍ത്തകരുടെ കൂട്ടായ്മയായ കൃപയുടെ ഏഴാമത് വാര്‍ഷിക സംഗമവും ജീവന്‍ രക്ഷാസമിതിയുടെ പ്രവര്‍ത്തകര്‍ക്ക് ആദരവും നല്‍കുന്ന സമ്മേളനം സംഘടിപ്പിച്ചു. യോഗം അമ്പലപ്പുഴ ബ്ലോക്ക് പഞ്ചായത്ത് പ്രസിഡന്റ് പ്രജിത്ത് കാരിക്കല്‍ ഉദ്ഘാടനം ചെയ്തു.
കൃപ പ്രസിഡന്റ് പ്രദീപ് കൂട്ടാല അധ്യക്ഷത വഹിച്ചു. കൃപയുടെ മുഖപത്രം കൃപാനാദം ത്രൈമാസിക ആഗസ്റ്റ് ലക്കം പ്രകാശനം ജില്ലാ പഞ്ചായത്തംഗം എ. ആര്‍ . കണ്ണന്‍ നിര്‍വ്വഹിച്ചു. ഇതോടനുബന്ധിച്ച് ഭക്ഷ്യധാന്യവിതരണം അമ്പലപ്പുഴ ബ്ലോക്ക് പഞ്ചായത്ത് വൈസ് പ്രസിഡന്റ് രജിത സന്തോഷും ചികിത്സാധനസഹായവിതരണം ബ്ലോക്ക് പഞ്ചായത്തംഗം യു. എം. കബീറും ഡയാലിസര്‍ കിറ്റ് വിതരണം തകഴി ഗ്രാമപഞ്ചായത്ത് പ്രസിഡന്റ് അംബികാ ഷിബുവും അനുമോദന പത്രവിതരണം പുന്നപ്ര വടക്ക് ഗ്രാമപഞ്ചായത്ത് പ്രസിഡന്റ് സുവര്‍ണ്ണാപ്രതാപനും ഫലവൃക്ഷതൈവിതരണം  ബ്ലോക്ക് പഞ്ചായത്തംഗം ബിന്ദു ബൈജുവും നിര്‍വ്വഹിച്ചു. ദേവന്‍. പി. വണ്ടാനം, ഹംസ. എ. കുഴുവേലി, യു. അഹമ്മദ് കബീര്‍, സി. ഷാജി, കെ. പി. സാവിത്രി, സി. കെ. ഷെരീഫ്. വി. വി. രാധാകൃഷ്ണന്‍., പി. എസ്. ഷിബുകുമാര്‍, ഹസ്സന്‍. എം. പൈങ്ങാമഠം, ബേബി പാറക്കാടന്‍, ആര്‍. ശെല്‍വരാജന്‍, ജി. ഗോപകുമാര്‍,രാജേശ്വരി മോഹന്‍, ഷിനോയ്, മുരളി ആലിശ്ശേരി, എസ്. നഹാസ് തുടങ്ങിയവര്‍ സംസാരിച്ചു.