കണ്ണൂര്‍: ധര്‍മ്മടത്ത് മുഖ്യമന്ത്രി പിണറായി വിജയനെതിരേ വാളയാര്‍ പെണ്‍കുട്ടികളുടെ അമ്മ മത്സരിക്കുന്നതിനെ സ്വാഗതം ചെയ്ത് മുഖ്യമന്ത്രി പിണറായി വിജയന്‍. ധര്‍മ്മടത്ത് ആര്‍ക്കും മത്സരിക്കാം. വാളയാര്‍ പ്രശ്‌നത്തില്‍ ആ അമ്മയുടെ വികാരത്തിനൊപ്പമാണ് നിന്നത്. അവര്‍ എന്താണോ ആവശ്യപ്പെട്ടത് അതനുസരിച്ചാണ് നിലപാടെടുത്തത്. അവരെ ഒരു ഘട്ടത്തിലും വേദനിപ്പിക്കാന്‍ ഉദ്ദേശിച്ചിരുന്നില്ലെന്നും അവര്‍ എന്തെങ്കിലും തരത്തില്‍ നിലപാട് എടുക്കുന്നുണ്ടെങ്കില്‍ എടുക്കട്ടെ എന്നും മുഖ്യമന്ത്രി വ്യക്തമാക്കി.
സി.ബി.ഐ അന്വേഷണത്തിന് കാര്യങ്ങള്‍ വിട്ടു. അവരെ ആരൊക്കെയോ തെറ്റിദ്ധരിപ്പിക്കുന്നു. വാളയാര്‍ കേസില്‍ ഇനി സി.ബി.ഐ അന്വേഷണമാണ് നടക്കേണ്ടത് എന്നും അദ്ദേഹം പറഞ്ഞു.