ദുബൈ: പരിമിതികളെ അതിജയിച്ച മുഹമ്മദ് അസിം ഗള്‍ഫിലെ വിദ്യാര്‍ഥികള്‍ക്കും അതിശയമാവുന്നു. കാലുകളിലാതെ ജനിച്ചിട്ടും പരിമിതികളെ അതീജീവിച്ച് എല്ലാവര്‍ക്കും മാതൃകയാകുന്ന മലയാളിയായ അസീം വെളിമണ്ണയാണ് ദുബൈ ക്രസന്റ് സ്‌കൂളിലെത്തിയത്. 15കാരനായ മുഹമ്മദ് അസീം സ്‌കൂള്‍ വിദ്യാര്‍ഥികള്‍ക്ക് ആവേശം പകരുന്ന രീതിയിലാണ് സംസാരിച്ചത്.

പരിമിതികളെയല്ല, ഭയത്തെയാണ് ആദ്യം അതിജീവിക്കേണ്ടതെന്ന് അസീം വിദ്യാര്‍ഥികളോട് ഉണര്‍ത്തി. തന്നെ പോലുളളവരെ കൂടി ഉള്‍കൊള്ളുന്ന വിദ്യാഭ്യാസരീതികള്‍ നടപ്പാക്കണമെന്നും അസീം അഭിപ്രായപ്പെട്ടു.

ഇതിനകം നിരവധി പുരസ്‌കാരങ്ങളും റെക്കോര്‍ഡുകളും സ്വന്തമാക്കിയ മുഹമ്മദ് അസീം ആദ്യമായാണ് ദുബൈയിലെത്തിയത്. ദുബൈ കാണണമെന്ന ആഗ്രഹം പ്രകടിപ്പിച്ച അസീമിനെ സാമൂഹിക പ്രവര്‍ത്തകന്‍ സലാം പാപ്പിനിശ്ശേരിയാണ് ദുബൈയിലെത്തിച്ചത്. ക്രസന്റ് സ്‌കൂള്‍ ചെയര്‍മാന്‍ ഹാജി എന്‍.ജമാലുദ്ദീന്‍, പ്രിന്‍സിപ്പല്‍ ഷറഫുദ്ദീന്‍ താനിക്കാട്ട് എന്നിവര്‍ ചേര്‍ന്ന് അസീമിനെ ആദരിച്ചു. സജി തോമസ്, എം.മുഹമ്മദ് ഇബ്രാഹിം, കെ.ഇര്‍ഷാദ് ആദം, ഷബാന അമീന്‍ സംസാരിച്ചു.