മലപ്പുറം: ഇത്തവണ മത്സരിക്കാന്‍ താല്‍പര്യമുണ്ടായിരുന്നില്ല. അധ്യാപക വൃത്തിയിലേക്ക് മടങ്ങാനായിരുന്നു ആഗ്രഹമെന്നും മന്ത്രി കെ.ടി ജലീല്‍. മുന്നണിയുടെ ആവശ്യപ്രകാരമാണ് മത്സരിക്കാന്‍ തീരുമാനിച്ചതെന്നും അദ്ദേഹം വ്യക്തമാക്കി. തവനൂരില്‍വിജയം ഉറപ്പാണെന്ന് ആവര്‍ത്തിച്ച മന്ത്രി ഫിറോസ് കുന്നംപറമ്പിലിനെ വലുതായികാണുന്നില്ലെന്നും കൂട്ടിച്ചേര്‍ത്തു. ജീവകാരുണ്യം പ്രവര്‍ത്തനം ബ്രാന്‍ഡ് ചെയ്യപ്പെടേണ്ടതല്ല. കൂടെനില്‍ക്കുന്നവരെ ജനങ്ങള്‍ക്കറിയാം ജലീല്‍ പറഞ്ഞു.

മനസ്സുകൊണ്ട് താന്‍ ഇടതുപക്ഷമാണെന്ന് അദ്ദേഹം വ്യക്തമാക്കി. പാര്‍ട്ടി അംഗത്വമെന്നത് സാങ്കേതി പദം മാത്രമാണെന്നും കെടി ജലീല്‍ ചൂണ്ടിക്കാട്ടി. മലപ്പുറത്ത് ഇടതു പക്ഷം സീറ്റ് നില ഇരട്ടിയാക്കുമെന്നും അദ്ദേഹം കൂട്ടിച്ചേര്‍ത്തു.