റിയാദ്: ഡയറക്ടറേറ്റ് ജനറല്‍ ഓഫ് പാസ്‌പോര്‍ട്ട് (ജവാസത്ത്) പ്രവാസികളുടെ കുടുംബാംഗങ്ങള്‍ക്കായി ഡിജിറ്റല്‍ ഐഡന്റിറ്റി (ഐഡി) സേവനം ആരംഭിച്ചു. ആഭ്യന്തര മന്ത്രാലയത്തിന്റെ ഇലക്ട്രോണിക് പ്ലാറ്റ്‌ഫോമായ അബ്ഷിര്‍ അഫ്രാദ് (അബ്ഷിര്‍ വ്യക്തികള്‍) വഴി ഇത് ലഭ്യമാണ്.

പ്രവാസികള്‍ക്ക് അവരുടെ കുടുംബാംഗങ്ങളുടെ ഡിജിറ്റല്‍ ഐഡി പരിശോധിക്കാനും അതിലെ ഡാറ്റ കാണാന്‍ ഉപയോഗിക്കാനും ആവശ്യമുള്ളപ്പോള്‍ അതിന്റെ പകര്‍പ്പ് റഫറന്‍സിനായി സൂക്ഷിക്കാനും പുതിയ സേവനം സഹായിക്കുന്നു.

രാജ്യത്തിനകത്ത് എവിടെയും സുരക്ഷാ ഉദ്യോഗസ്ഥര്‍ ആവശ്യപ്പെട്ടാല്‍ ഡിജിറ്റല്‍ ഐഡിയുടെ പകര്‍പ്പ് കാണിക്കാം. ഐഡിയുടെ പ്രിന്റഡ് ഫോട്ടോ കോപ്പിയും കൈവശം വയ്‌ക്കേണ്ടതുണ്ട്. അബ്ഷിര്‍ പ്ലാറ്റ്‌ഫോമിലൂടെ പൗരന്മാര്‍, പ്രവാസികള്‍, സന്ദര്‍ശകര്‍ എന്നിവരുടെ കുടുംബാംഗങ്ങള്‍ക്ക് ഓഫിസ് ആസ്ഥാനമോ ബ്രാഞ്ച് ഓഫിസുകളോ നേരിട്ട് സന്ദര്‍ശിക്കാതെ തന്നെ ജവാസാത്ത് നല്‍കുന്ന ഡിജിറ്റല്‍ സാങ്കേതിക സേവനങ്ങള്‍ ലഭ്യമാവും.