കൊച്ചി: ഐഎസ്എല്ലില്‍ എട്ടാം ജയവുമായി കേരള ബ്ലാസ്റ്റേഴ്‌സ്. തോല്‍വിയറിയാതെയുള്ള ബ്ലാസ്റ്റേഴ്‌സിന്റെ യാത്ര തുടരുകയാണ്. കൊച്ചി കലൂര്‍ രാജ്യാന്തര സ്റ്റേഡിയത്തില്‍ ഒന്നിനെതിരെ മൂന്നു ഗോളുകള്‍ക്ക് ജംഷഡ്പൂരിനെ പരാജയപ്പെടുത്തി. കേരളത്തിനായി അപ്പോസ്‌തോലോസ് ജിയാനോ, ഡിമിട്രിയോസ് ഡയമാന്റിക്കോസ്, അഡ്രിയാന്‍ ലൂണ എന്നിവര്‍ വലകുലുക്കി. ജംഷഡ്പൂരിനായി നൈജീരിയന്‍ താരം ദാനിയല്‍ ചീമ ഗോള്‍ മടക്കി.