ചങ്ങനാശേരി: സിവില്‍ സപ്ലൈസ് കോര്‍പറേഷന്‍ മാവേലി സ്റ്റോറുകളിലും സൂപ്പര്‍മാര്‍ക്കറ്റുകളിലും നിത്യോപയോഗ സാധനങ്ങളും ഇല്ലെന്ന് പരാതി.
പഞ്ചസാര, മുളക്, വന്‍പയര്‍ തുടങ്ങിയവ പലയിടത്തും ലഭിക്കാത്ത സ്ഥിതിയാണ്. ഉല്‍പ്പന്നങ്ങള്‍ക്ക് ഓര്‍ഡര്‍ നല്‍കി എടുക്കുന്നതിലുണ്ടായ കാലതാമസമാണു ക്ഷാമമുണ്ടാക്കിയതെന്നു ചിലര്‍ പറയുന്നു. പൊതുവിപണിയില്‍ വില കുതിച്ചുയരുമ്പോഴാണു സാധാരണക്കാര്‍ക്ക് ആശ്രയമാകേണ്ട സപ്ലേക്കോയില്‍ സാധാനങ്ങളുടെ ക്ഷാമം.