തൃശൂര്‍: തളിക്കുളത്ത് സ്ത്രീയെ കഴുത്തു ഞെരിച്ച് കൊലപ്പെടുത്തി. തളിക്കുളം സ്വദേശി ഷാജിത(54) ആണ് മരിച്ചത്. സംഭവത്തില്‍ വലപ്പാട് സ്വദേശിയും ഓട്ടോഡ്രൈവറുമായ ഹബീബിനെ പൊലിസ് കസ്റ്റഡിയിലെടുത്തു. സ്വര്‍ണം പണയപ്പെടുത്താന്‍ നല്‍കാതിരുന്നതിനാണ് ഷാജിതയെ ഹബീബ് കൊലപ്പെചുത്തയതെന്ന് പൊലിസ് പറഞ്ഞു.

ബുധനാഴ്ച്ച രാവിലെയായിരുന്നു സംഭവം. തനിക്ക് താമസിക്കുന്ന ഷാജിതയുടെ വീട്ടിലെത്തിയ ഹബീബ് പണയംവെയ്ക്കാനായി സ്വര്‍ണം ആവശ്യപ്പെട്ടെങ്കിലും ഷാജിത ഇതിന് കൂട്ടാക്കിയില്ല. തുടര്‍ന്നാണ് വീടിന്റെ വാതില്‍ കുറ്റിയിട്ട ശേഷം ഹബീബ് ഷാജിതയെ കഴുത്ത് ഞെരിച്ച് കൊലപ്പെടുത്തിയത്.

ഷാജിതയുടെ നിലവിളി കേട്ട് ഓടിയെത്തിയ അയല്‍ക്കാരാണ് ഹബീബിനെ കയ്യോടെ പിടികൂടി പൊലീസില്‍ ഏല്‍പ്പിച്ചത്. ഷാജിതയെ ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ഹബീബില്‍നിന്ന് ഷാജിതയുടെ സ്വര്‍ണവും കണ്ടെടുത്തിട്ടുണ്ട്.