തിരുവനന്തപുരം: ഒഴിവ് വരുന്ന രാജ്യസഭ സീറ്റ് സംബന്ധിച്ച് സി.പി.ഐക്ക് അനുവദിച്ച സീറ്റില്‍ സ്ഥാനാര്‍ഥിയായി. സി.പി.ഐയും സി.പി.എമ്മും ഓരോ രാജ്യസഭ സീറ്റുകളില്‍ മത്സരിക്കും. രാജ്യസഭാ തെരഞ്ഞെടുപ്പില്‍ പി.സന്തോഷ് കുമാറാണ് സി.പി.ഐ സ്ഥാനാര്‍ഥി.

സി.പി.ഐ കണ്ണൂര്‍ ജില്ലാ സെക്രട്ടറിയാണ് സന്തോഷ്‌കുമാര്‍. ഇന്ന് നടന്ന എല്‍.ഡി.എഫ് യോഗത്തിലാണ് സീറ്റ് സംബന്ധിച്ച് ധാരണയായത്. ദേശീയ സാഹചര്യം കണക്കിലെടുത്ത് സീറ്റുകളിലൊന്ന് സി.പി.ഐക്ക് നല്‍കാന്‍ തീരുമാനിക്കുകയായിരുന്നു. പാര്‍ട്ടിയാണ് എല്ലാം തീരുമാനിക്കുന്നതെന്ന് സന്തോഷ് കുമാര്‍ പ്രതികരിച്ചു.