തിരുവനന്തപുരം: നേമത്ത് ബിജെപിക്ക് കഴിഞ്ഞ തവണ ജയിക്കാനായത് കോണ്‍ഗ്രസ് വോട്ട് കച്ചവടം നടത്തിയതിനാലെന്ന ആരോപണവുമായി യുഡിഎഫ് സ്ഥാനാര്‍ഥി ആയിരുന്ന വി.സുരേന്ദ്രന്‍.

യു.ഡി.എഫിന്റെ സംസ്ഥാന തല നേതാക്കളാണ് വോട്ടുകച്ചവടം നടത്തിയത്. കോണ്‍ഗ്രസ് നടത്തിയ അന്വേഷണത്തില്‍ അന്ന് അഞ്ച് ഭാരവാഹികള്‍ത്തെതിരെ നടപടിക്ക് ശുപാര്‍ശ ചെയ്തിരുന്നു. പിന്നീട് അതില്‍ ഒരു നടപടിയും ഉണ്ടായില്ലെന്നും അദ്ദേഹം പറഞ്ഞു.

ഘടക കക്ഷികള്‍ക്ക് സീറ്റ് കൊടുക്കക, വോട്ടുകച്ചവടം നടത്തുക എന്നതാണ് കോണ്‍ഗ്രസിന്റെ രീതി. അവര്‍ മത്സരിക്കുന്ന സീറ്റുകളില്‍ അവര്‍ക്കതിന് പ്രതിഫലം ലഭിക്കും. നേമത്ത് വോട്ട് കച്ചവടം നടന്നെന്ന് ഒ.രാജഗോപാല്‍ തന്നെ പറഞ്ഞതാണ്. നേമത്തെ ഇപ്പോഴത്തെ യുഡിഎഫ് സ്ഥാനാര്‍ഥിയും ശ്രദ്ധിക്കണം. താന്‍ പറയാതെ തന്നെ ഇക്കാര്യം മുരളീധരന് അറിയാം.

തൊട്ടടുത്ത മണ്ഡലത്തിലെ എം.എല്‍.എ ആയിരുന്നു ഞാന്‍ (തിരുവനന്തപുരം വെസ്റ്റ് -2006). നേരത്തെ പുനലുരില്‍ യു.ഡി.എഫ് സ്ഥാനാര്‍ഥിയായി ജയിച്ചിട്ടുണ്ട്. താനൊരു ദുര്‍ബലനായ സ്ഥാനാര്‍ഥിയാവുന്നതെങ്ങനെയെന്നും സുരേന്ദ്രന്‍പിള്ള ചോദിക്കുന്നു.