നെടുമ്പാശ്ശേരി: പൊയ്ക്കാട്ടുശ്ശേരിയില്‍  കുരിശിന്‍ തൊട്ടിയ്ക്കുനേരെ സാമൂഹ്യ വിരുദ്ധരുടെ ആക്രമണം. മോര്‍ ബഹനാം യാക്കോബായ പള്ളിയുടെ കീഴിലുള്ള മോര്‍ ഒസ്താത്തിയോസ് ബാവ കുരിശിന്‍ തൊട്ടിയ്ക്കുനേരെയാണ് വ്യാഴാഴ്ച രാത്രി ആക്രമണം നടന്നത്.
ജനല്‍ ചില്ലുകള്ളും വാതിലും അക്രമികള്‍ തകര്‍ത്തു. പ്രധാന വാതില്‍ അകത്തു നിന്നും തുറന്ന നിലയിലാണ്. എന്നാല്‍ മോഷണം നടന്നിട്ടില്ല. രണ്ട് ഭണ്ഡാര പെട്ടികള്‍, ആപ്ലിഫയര്‍ എന്നിവ യാതൊരു കേടും പറ്റാതെ യഥാസ്ഥാനത്ത് തന്നെ ഉണ്ടായിരുന്നു.
കുരിശിന്‍ തൊട്ടിയുടെ സമീപത്തെ പറമ്പ് കാടുപിടിച്ച് കിടക്കുകയാണ്. ഇവിടെ സാമൂഹ്യവിരുദ്ധര്‍ രാത്രികാലങ്ങളില്‍ തമ്പടിക്കുന്നുണ്ടെന്ന് നാട്ടുകാര്‍ പറയുന്നു.  മദ്യം,മയക്കുമരുന്ന് എന്നിവയുടെ ഉപയോഗവും ഇവിടെ നടക്കുന്നുണ്ടെന്നാണ് നാട്ടുകാരുടെ പരാതി. പള്ളി അധികൃതരുടെ പരാതിയെ തുടര്‍ന്ന് ചെങ്ങമനാട് പൊലിസ് സ്ഥലത്തെത്തി തെളിവെടുപ്പ് നടത്തി.