കോഴിക്കോട്: സുല്‍ത്താന്‍ ബത്തേരിയെ ഭീതിയിലാഴ്ത്തിയ കാട്ടാനയെ മയക്കുവെടി വയ്ക്കാന്‍ ഉത്തരവ്. ചീഫ് വൈല്‍ഡ് ലൈഫ് വാര്‍ഡന്‍ ഗംഗാ സിങിന്റേതാണ് ഉത്തരവ്. ആര്‍ആര്‍ടി സംഘം ആനയെ മയക്കുവെടി വെയ്ക്കാനുള്ള നീക്കങ്ങള്‍ ആരംഭിച്ചു.

ഇന്ന് ആനയെ ലൊക്കേറ്റ് ചെയ്ത ശേഷം നാളെ പുലര്‍ച്ചയോടെ ആനയെ തളയ്ക്കാനാകുമെന്നാണ് വനം വകുപ്പ് പ്രതീക്ഷിക്കുന്നത്. കഴിഞ്ഞ ദിവസമാണ് ബത്തേരി ടൗണിലും ജനവാസകേന്ദ്രങ്ങളിലുമെത്തിയത്. ജനവാസമേഖലയിലിറങ്ങിയ കാട്ടാന നാടിനെയും നാട്ടുകാരെയും മണിക്കൂറുകളോളം ഭീതിയുടെ മുള്‍മുനയിലാക്കിയിരിക്കുകയാണ്.