രാജ്‌കോട്ട്: ട്വന്റി 20 പരമ്പരയിലെ നിര്‍ണായകമായ മൂന്നാം മത്സരത്തില്‍ ശ്രീലങ്കയെ 91 റണ്‍സിന് തകര്‍ത്ത് പരമ്പര സ്വന്തമാക്കി (21) ഇന്ത്യ. 229 റണ്‍സെന്ന കൂറ്റന്‍ വിജയലക്ഷ്യത്തിലേക്ക് ബാറ്റെടുത്ത ലങ്കയെ 16.4 ഓവറില്‍ വെറും 137 റണ്‍സിന് എറിഞ്ഞിട്ടാണ് ഇന്ത്യ ജയം സ്വന്തമാക്കിയത്.

കളിയുടെ എല്ലാ മേഖലകളിലും ലങ്കയെ നിഷ്പ്രഭരാക്കിയായിരുന്നു ഇന്ത്യന്‍ ജയം.മികച്ച തുടക്കം ലഭിച്ചെങ്കിലും കൃത്യമായ ഇടവേളകളില്‍ വിക്കറ്റ് നഷ്ടമായതോടെ ലങ്ക കളി കൈവിടുകയായിരുന്നു.

നേരത്തെ ടോസ് നേടി ബാറ്റിങ്ങിനിറങ്ങിയ ഇന്ത്യ സൂര്യകുമാര്‍ യാദവിന്റെ വെടിക്കെട്ട് സെഞ്ചുറി മികവില്‍ അഞ്ച് വിക്കറ്റ് നഷ്ടത്തില്‍ 228 റണ്‍സെടുത്തിരുന്നു. 51 പന്തുകള്‍ നേരിട്ട സൂര്യ ഒമ്പത് സിക്‌സും ഏഴ് ഫോറുമടക്കം അടിച്ചുകൂട്ടിയത് 112 റണ്‍സ്. താരത്തിന്റെ മൂന്നാം സെഞ്ചുറിയായിരുന്നു ഇത്.