കല്‍പ്പറ്റ: കോണ്‍ഗ്രസില്‍ നിന്നും രാജിവെച്ച കെ സി റോസക്കുട്ടി ടീച്ചര്‍ എല്‍.ഡി.എഫുമായി ചേര്‍ന്ന് പ്രവര്‍ത്തിക്കും. വയനാട്ടിലെ എല്‍.ഡി.എഫ് സ്ഥാനാര്‍ഥികള്‍ക്കായി റോസക്കുട്ടി ടീച്ചര്‍ പ്രചാരണത്തിനിറങ്ങും. സി.പി.എം നേതാവ് പി കെ ശ്രീമതിയുമായി ചര്‍ച്ച നടത്തിയ ശേഷമാണ് തീരുമാനം.

മധുരം നല്‍കിയായിരുന്നു റോസക്കുട്ടിയെ ശ്രീമതി ടീച്ചര്‍ പാര്‍ട്ടിയിലേക്ക് സ്വാഗതം ചെയ്തത്. കല്‍പ്പറ്റിയിലെ ഇടത് സ്ഥാനാര്‍ഥി എം.വി ശ്രേയാംസ്‌കുമാറും റോസക്കുട്ടിയുടെ വീട്ടിലെത്തി.

കല്‍പ്പറ്റ സീറ്റ് തര്‍ക്കത്തെ തുടര്‍ന്നാണ് കെസി റോസക്കുട്ടി രാജിവെച്ചത്. സമീപ കാലങ്ങളില്‍ കോണ്‍ഗ്രസ് പാര്‍ട്ടിയില്‍ സ്ത്രീകള്‍ക്ക് അര്‍ഹിക്കുന്ന അംഗീകാരം ലഭിക്കുന്നില്ലെന്നാണ് വിമര്‍ശനം.