പാലക്കാട്: പാലക്കാട് ധോണിയില്‍ ജനങ്ങളെ ഭീതിയിലാഴ്ത്തിയ പുലി കെണിയില്‍ കുടുങ്ങി. വനംവകുപ്പ് സ്ഥാപിച്ച കൂട്ടില്‍ ഇന്ന് പുലര്‍ച്ചെയോടെയാണ് പുലി കുടുങ്ങിയത്.

ഒരു മാസത്തിലധികമായി ജനങ്ങളെ ഭീതിയിലാഴ്ത്തിയ പുലിയാണ് പിടിയിലായത്. മൂന്നരയോടെയാണ് പുലി കൂട്ടിലായത്. പുലിയെത്തുന്നത് സിസിടിവിയില്‍ പതിഞ്ഞിരുന്നു. പുലിയെ വനംവകുപ്പ് ഓഫിസിലേക്ക് മാറ്റി.

പുലിയെ വനംവകുപ്പ് ഓഫിസിലേക്ക് മാറ്റുന്നതിനിടെ വാര്‍ഡ് മെമ്പര്‍ ഉണ്ണികൃഷ്ണന്റെ കയ്യില്‍ പുലി മാന്തി. ഇദ്ദേഹത്തെ ആശുപത്രിയില്‍ പ്രവേശിപ്പിച്ചു.