ചമോലി: ജോഷിമഠിനു പിന്നാലെ ഉത്തരാഖണ്ഡിലെ കര്‍ണപ്രയാഗിലെ വീടുകളില്‍ വിള്ളലുകള്‍ പ്രത്യക്ഷപ്പെടുന്നു. ബഹുഗുണ നഗറില്‍ 50 ഓളം വീടുകളില്‍ വിള്ളലുകളുണ്ട്. നിരവധി കുടുംബങ്ങള്‍ വീടുവിട്ട് മറ്റ് പ്രദേശങ്ങളില്‍ താമസിക്കുന്ന ബന്ധുവീടുകളില്‍ അഭയം പ്രാപിച്ചു. ചിലയിടങ്ങളില്‍ ചെറിയ മണ്ണിടിച്ചിലുണ്ടായി.
അപ്പര്‍ ബസാര്‍ വാര്‍ഡിലെ മുപ്പതോളം കുടുംബങ്ങളും ദുരന്ത ഭീഷണിയിലാണ്. പ്രാദേശിക മുനിസിപ്പാലിറ്റി അധികൃതര്‍ സര്‍ക്കാരിനോട് സഹായം അഭ്യര്‍ത്ഥിച്ചു.