കൊല്ലം: സ്വര്‍ണക്കടത്തിനെ പറ്റി വീണ്ടും മുഖ്യമന്ത്രി പിണറായി വിജയനോട് ചോദ്യങ്ങള്‍ ചോദിച്ച് കേന്ദ്ര ആഭ്യന്തരമന്ത്രി അമിത്ഷാ. സ്വര്‍ണക്കടത്തിനെക്കുറിച്ച് ഞാന്‍ പറയുമ്പോ മുഖ്യമന്ത്രി പിണറായിക്ക് ഇഷ്ടമാകുന്നില്ല. പക്ഷേ അദ്ദേഹത്തിന് എന്റെ ചോദ്യങ്ങളില്‍ നിന്ന് ഒഴിഞ്ഞു മാറാനാവില്ലെന്നു പറഞ്ഞ ഷാ താങ്കളുടെ പ്രിന്‍സിപ്പല്‍ സെക്രട്ടറി സ്വര്‍ണക്കടത്തില്‍ ഉള്‍പ്പെട്ടിട്ടില്ലേ? എന്നു ചോദിച്ചു.

സ്വര്‍ണക്കടത്ത് കേസ് പ്രതിക്ക് താങ്കളുടെ ഓഫിസില്‍ നിന്ന് മൂന്ന് ലക്ഷം രൂപ നല്‍കിയിരുന്നില്ലേ? കേസിലെ മുഖ്യ കുറ്റാരോപിതയെ താങ്കളുടെ പ്രിന്‍സിപ്പല്‍ സെക്രട്ടറി സര്‍ക്കാര്‍ ചെലവില്‍ കൊണ്ടു പോയില്ലേ? മുഖ്യ കുറ്റാരോപിത മുഖ്യമന്ത്രിയുടെ വീട്ടില്‍ കയറി ഇറങ്ങിയില്ലേ? എയര്‍പോര്‍ട്ടില്‍ പിടിച്ച സ്വര്‍ണം വിടുവാന്‍ താങ്കളുടെ ഓഫീസില്‍ നിന്ന് ഇടപെടല്‍ ഉണ്ടായില്ലേ അദ്ദേഹം ചോദിച്ചു.
ഇ.ഡി, കസ്റ്റംസ് ഉദ്യോഗസ്ഥര്‍ക്കു മേല്‍ ആക്രമണം ഉണ്ടായപ്പോള്‍ എന്തുകൊണ്ട് നിങ്ങള്‍ നടപടിയെടുത്തില്ലെന്നും അമ്പലങ്ങളുടെ കാര്യത്തില്‍ സര്‍ക്കാര്‍ ഇടപെടല്‍ പാടില്ലന്ന് വിജയന്‍ ജിയോട് ഞാന്‍ പറയുകയാണ്. പൊലിസ് യൂണിഫോമില്‍ ശബരിമലയില്‍ പാര്‍ട്ടി പ്രവര്‍ത്തകരെ കയറ്റിയില്ലേയെന്നും പിണറായിയോട് അദ്ദേഹം ചോദിച്ചു.