മലപ്പുറം: കൊണ്ടോട്ടി പുളിക്കല്‍ ആന്തിയൂര്‍കുന്നില്‍ ഇരുചക്രവാഹനത്തിന് മേലെ സ്‌കൂള്‍ ബസ് മറിഞ്ഞ് വിദ്യാര്‍ഥിനി മരിച്ചു. ബൈക്കിലുണ്ടായിരുന്ന വിദ്യാര്‍ത്ഥി ഹയ ഫാത്തിമ (6) ആണ് മരിച്ചത്. ഹയ ഫാത്തിമയും , മുത്തച്ഛനും സഞ്ചരിച്ച ബൈക്കിലേക്കാണ് ബസ് മറിഞ്ഞത്. നാല്‍പതോളം വിദ്യാര്‍ഥികളാണ് സ്‌കൂള്‍ ബസിലുണ്ടായിരുന്നത്.

ഏഴ് വിദ്യാര്‍ഥികളെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്ന് വൈകിട്ട് നാല് മണിയോടെയാണ് നാടിനെ നടുക്കിയ അപകടം. മരിച്ച വിദ്യാര്‍ഥിനി സഞ്ചരിച്ച ഇരുചക്രവാഹനത്തിന് മേലെയാണ് പുളിക്കല്‍ നോവല്‍ സ്‌കൂളിന്റെ സ്‌കൂള്‍ ബസ് മറിഞ്ഞത്.