അടിമാലി: എല്‍.ഡി.വൈ.എഫ് ദേവികുളം നിയോജക മണ്ഡലം കമ്മിറ്റിയുടെ നേതൃത്വത്തില്‍ അടിമാലിയില്‍ യുവസംഗമം സംഘടിപ്പിച്ചു.
ഡി.വൈ.എഫ്.ഐ സംസ്ഥാന സെക്രട്ടറി എ.എ റഹിം ഉദ്ഘാടനം ചെയ്തു. ദേവികുളം മണ്ഡലത്തിലെ എല്‍.ഡി.എഫ് സ്ഥാനാര്‍ഥി അഡ്വ. എ. രാജയുടെ പ്രചാരണാര്‍ത്ഥമായിരുന്നു യുവസംഗമം സംഘടിപ്പിച്ചത്. എ.ഐ.വൈ.എഫ് സംസ്ഥാന വൈസ് പ്രസിഡന്റ് പ്രിന്‍സ് മാത്യു മുഖ്യപ്രഭാഷണം നടത്തി. നൂറ് കണക്കിന് യുവജനങ്ങള്‍ അണിനിരന്ന മാര്‍ച്ചോടെയായിരുന്നു സംഗമത്തിന് തുടക്കം കുറിച്ചത്. കരഘോഷങ്ങള്‍ക്കിടയില്‍ സ്ഥാനാര്‍ഥി എ. രാജ വോട്ടഭ്യര്‍ത്ഥന നടത്തി. എ.ഐ.വൈ.എഫ് ജില്ലാ പ്രസിഡന്റ് എസ്.പി കണ്ണന്‍ അധ്യക്ഷത വഹിച്ച സംഗമത്തില്‍ ഡി.വൈ.എഫ്.ഐ ജില്ലാ പ്രസിഡന്റ് പി.പി സുമേഷ്, രമേഷ് കൃഷ്ണന്‍, എ.ഐ.വൈ.എഫ് മണ്ഡലം പ്രസിഡന്റ് റോബിന്‍ തുടങ്ങി വിവിധ ഇടതുപക്ഷ യുവജന സംഘടനാ നേതാക്കള്‍ സംസാരിച്ചു.