നന്തിക്കര: പറപ്പൂക്കര ഗ്രാമപ്പഞ്ചായത്ത് സമ്പൂര്‍ണ്ണ ഒ.ഡി.എഫ് ഗ്രാമപഞ്ചായത്തായി പ്രസിഡന്റ് പ്രഖ്യാപിച്ചു.
പഞ്ചായത്തിലെ മുഴുവന്‍ കുടുംബങ്ങള്‍ക്കും അങ്കണവാടികള്‍ക്കും സ്‌കൂളുകള്‍ക്കും ശുചിത്വമുള്ള കക്കൂസ് ഉറപ്പുവരുത്തിയതിന്റെ അടിസ്ഥാനത്തിലാണ് പ്രഖ്യാപനം.
പഞ്ചായത്ത് നിവാസികള്‍ക്കാര്‍ക്കും തുറസായ സ്ഥലത്ത് മലവിസര്‍ജ്ജനം ചെയ്യേണ്ട സാഹചര്യം ഇല്ലെന്ന് അന്വേഷണത്തില്‍ ബോധ്യപ്പെട്ടതായി പ്രഖ്യാപനം നിര്‍വ്വഹിച്ചുകൊണ്ട് പഞ്ചായത്ത് പ്രസിഡന്റ് കാര്‍ത്തിക ജയന്‍ പറഞ്ഞു.
ഏതെങ്കിലും വ്യക്തിക്ക് ശൗചാലയ സൗകര്യം അപര്യാപ്തമല്ലെന്ന് ബോധ്യപ്പെടുന്ന പക്ഷം ആയത് പരിഹരിക്കുന്നതിന് പഞ്ചായത്ത് പ്രതിജ്ഞാബദ്ധമാണെന്നും പ്രസിഡന്റ് അറിയിച്ചു. 2007ല്‍ നിര്‍മ്മല്‍ ഗ്രാം പുരസ്‌ക്കാരം ലഭിച്ച പഞ്ചായത്താണ് പറപ്പൂക്കര ഗ്രാമപ്പഞ്ചായത്ത്.